SOCAR könüllülər qrupunda fəaliyyətini tamamlayanları təltif etdi | Sertifikatlar verildi

“SOCAR Könüllüləri” qrupuna yeni qəbul olunan və fəaliyyətini tamamlayan könüllülər təltif edilib.

Tədbirdə SOCAR-ın Kommunikasiya məsələləri üzrə icraçı direktoru Aygün Hüseynova Prezident İlham Əliyevin və Birinci vitse-prezident Mehriban Əliyevanın yüksək diqqət və qayğısı nəticəsində könüllülük fəaliyyətinin bir çox sahələrdə geniş yayılaraq böyük hərəkata çevrildiyini vurğulayıb.

Gənclər və idman naziri Fərid Qayıbov ölkədə sağlam düşüncəli, yüksək bilik və bacarıqlara malik gənc nəslin formalaşdığını diqqətə çatdırıb.

“SOCAR Könüllüləri” adından çıxış edən Türkan İsrafilli “SOCAR Könüllüləri” qrupunun ötən bir il ərzindəki fəaliyyəti barədə ətraflı məlumat verib.

Sonda könüllülər qrupunun məzunlarına sertifikatlar təqdim edilib, xatirə fotosu çəkdirilib.