Socar rəhbərindən paylaşım | DAVOS-da Abşeron layihəsi müzakirə edildi

İsveçrənin Davos şəhərində keçirilən Dünya İqtisadi Forumu çərçivəsində SOCAR-la Əbu-Dabi Milli Neft Şirkəti arasında “Abşeron” layihəsinin müzakirəsi aparılıb.

Bu barədə SOCAR-ın prezidenti Rövşən Nəcəf sosial şəbəkə hesablarında yazıb.

“Əbu-Dabi Milli Neft Şirkətinin Aşağı Karbon Həlləri və Beynəlxalq İnkişaf üzrə icraçı direktoru Musabbeh Al Kaabi ilə strateji dialoq apardıq. Dünya İqtisadi Forumu zamanı biz “Abşeron” layihəsinin gedişatını, onun tammiqyaslı inkişafını, həmçinin aşağı karbonlu həlləri və bərpa olunan enerji resurslarını müzakirə etdik və gələcək əməkdaşlıq üçün potensial imkanları araşdırdıq”, – deyə SOCAR-ın prezidenti qeyd edib.

Qeyd edək ki, “Abşeron” layihəsində SOCAR və “TotalEnergies” şirkətlərinin hər biri 35 faiz, Əbu-Dabi Milli Neft Şirkəti isə 30 faiz paya malikdir.