SOCAR “Samruk Kazyna” ilə növbəti birgə addımlarını müzakirə edib

Azərbaycan İnvestisiya Holdinqinin baş icraçı direktoru Ruslan Əlixanov, SOCAR-ın prezidenti Rövşən Nəcəf və “Samruk Kazyna” Səhmdar Cəmiyyətinin idarə heyətinin sədri Nurlan Jakupovun rəhbərlik etdiyi nümayəndə heyəti arasında görüş keçirilib.

Görüşdə martın 11-də Azərbaycan və Qazaxıstan prezidentlərinin iştirakı ilə Azərbaycan İnvestisiya Holdinqi və “Samruk Kazyna” arasında imzalanmış strateji tərəfdaşlıq sazişindən irəli gələn məsələlər və atılacaq növbəti birgə addımlar müzakirə edilib.

Qeyd edək ki, “Samruk Kazyna” Qazaxıstanın bir sıra iri şirkətlərinə tam və ya qismən sahib olan səhmdar cəmiyyətdir.