Pleyeri seçin:
SOCAR və ABŞ-nin "Planet Labs PBC" şirkəti arasındakı görüşdə nələr müzakirə olundu? - Baku TV
Azərbaycan Dövlət Neft Şirkəti (SOCAR) və ABŞ-nin "Planet Labs PBC" şirkəti ekoloji monitorinqin aparılması, rəqəmsal həllərin inkişafı və məlumatlara əsaslanan qərarların qəbulunun dəstəklənməsi məqsədilə qabaqcıl peyk təsvirləri və geoməkan analitikasının istifadəsi imkanlarını müzakirə ediblər.
Bu barədə SOCAR-ın prezidenti Rövşən Nəcəf sosial şəbəkə hesabında yazıb.
Məlumata görə, müzakirələr Dünya İqtisadi Forumunun 2026-cı il toplantısı çərçivəsində "Planet Labs PBC" şirkətinin həmtəsisçisi və baş icraçı direktoru Uilyam Marşal ilə keçirilən görüş zamanı baş tutub.
Rövşən Nəcəfin sözlərinə görə, fikir mübadiləsi zamanı SOCAR-ın innovasiyalara, dekarbonizasiyaya və qlobal ən yaxşı təcrübələrə uyğun məsuliyyətli enerji inkişafına sadiqliyinin gücləndirilməsi imkanları nəzərdən keçirilib.
Kopyalandı
Seçilmişlər
