SOCAR və BP arasında uğurlu strateji tərəfdaşlıq genişləndirilir

SOCAR-la BP arasında Xəzər dənizinin Azərbaycan sektorunda “Qarabağ” neft yatağı və “Əşrəfi – Dan Ulduzu – Aypara” sahəsinə dair Anlaşma Memorandumu imzalanıb.

SOCAR-ın prezidenti Rövşən Nəcəf enerji sahəsində uğurlu strateji tərəfdaşlığı daha da genişləndirəcək Anlaşma Memorandumunun imzalanmasından məmnunluğunu ifadə edib.

BP-nin Azərbaycan, Gürcüstan və Türkiyə üzrə regional prezidenti Qəri Counz şirkətlər arasında imzalanan Anlaşma Memorandumunun önəmini vurğulayıb.

Qeyd edək ki, “Qarabağ” neft yatağı Bakıdan 120 km şərqdə, suyun 150-200 metr dərinliyində yerləşir. “Əşrəfi – Dan Ulduzu – Aypara” sahəsi isə Bakıdan 90-110 km şimal-şərqdə, suyun 80-180 metr dərinliklərindədir.