SOCAR və "Geoplin" arasında memorandum imzalandı | Detallar açıqlandı

Azərbaycan Respublikası Dövlət Neft Şirkətinin (SOCAR) prezidenti Rövşən Nəcəf Sloveniyanın ətraf mühit, iqlim və energetika naziri Bojan Kumerlə görüşüb.

Görüşdə Azərbaycanla Sloveniya arasında enerji sektorunda əlaqələrin uğurla inkişaf etdiyi məmnunluqla qeyd edilib.

Bildirilib ki, təbii qaz təchizatı sahəsində əməkdaşlıq üçün geniş potensial var.

Görüşdə SOCAR-la Sloveniyanın ən böyük təbii qaz təchizatı şirkəti olan “Geoplin” arasında əməkdaşlığın genişləndirilməsinə dair Anlaşma Memorandumu imzalanıb.