Təchizatçılar üçün inanılmaz yenilik | Tətbiq ediləcək sistemin detalları

Azərbaycan Dövlət Neft Şirkəti (SOCAR) “e-tender” platformasında təchizatçılar üçün reytinq sistemi tətbiq edəcək.

Bunu SOCAR-ın Əməliyyat Satınalması və Təchizat departamentinin rəis müavini Elçin Musayev bildirib.

O qeyd edib ki, yaxın gələcəkdə platformada təchizatçıların fəaliyyətini qiymətləndirmək üçün reytinq sistemi istifadəyə veriləcək:

“Bu sistem təchizatçılara rəqibləri ilə fəaliyyətlərini müqayisə etməyə, göstəricilərini yaxşılaşdırmağa kömək edəcək. Bununla yanaşı, rəqəmsal platforma məlumatların izlənməsi, şəffaflığın artırılması və təkmil analitik imkanlar təqdim edir.

2005-ci ilin fevral ayından etibarən “e-tender” platformasının tətbiqinə başlamışıq. Hazırda SOCAR-ın müxtəlif qurumlarında 600-dən çox daxili istifadəçi, müxtəlif sahələri təmsil edən yerli və xarici olmaqla 3 minə yaxın təchizatçı platformada qeydiyyatdan keçib. Platforma ilkin ixtisas seçimindən tutmuş məlumat sorğuları (RFI), tender sorğuları (RFP) və təchizatçıların fəaliyyətinin idarə edilməsinə qədər satınalmanın bütün mərhələlərini əhatə edir”.