Yaxın Şərqə yeni enerji körpüsü | Mikayıl Cabbarov razılaşmanın önəmini açıqladı
“Azərbaycan təbii qazının Türkiyə ərazisindən keçməklə Suriyaya çatdırılması ölkəmizin enerji ixracı tarixində yeni mərhələ olmaqla yanaşı, Cənubi Qafqazla Yaxın Şərq arasında enerji körpüsünün əsasını qoyur”.
Bunu Azərbaycan iqtisadiyyat naziri, SOCAR-ın Müşahidə Şurasının sədri Mikayıl Cabbarov Türkiyənin Kilis şəhərində Azərbaycan qazının Türkiyə ərazisindən Suriyaya nəqlinə başlanılması ilə bağlı tədbirdə deyib.
M.Cabbarov bildirib ki, Suriyanın il yarım qazla təmin olunması barədə razılıq əldə olunub:
“Bu təchizatın Suriyada iqtisadiyyatın bərpası və əhalinin sosial rifahının yüksəldilməsində əhəmiyyətli rol oynayacağına inanırıq.
Bugünkü əhəmiyyətli hadisə Azərbaycan və Suriya arasında neft-qaz sektorunda əməkdaşlığın yeni mərhələsinin başlanğıcıdır. Əminik ki, bu tərəfdaşlıq qarşılıqlı iqtisadi inkişafı təşviq etməklə yanaşı, regional enerji təhlükəsizliyinin güclənməsinə, eləcə də birgə investisiya və strateji infrastruktur layihələrinin reallaşdırılmasına möhkəm zəmin yaradacaq”.
#Mikayıl Cabbarov teqi istifadə olunub
- "Yeni şəhər yaranacaq" | Mikayıl Cabbarov Ələt Azad İqtisadi Zonasından danışdı - Baku TV
- "Bağlantının mərkəzində şəhərlər: şəhər yenidənqurması və regional əməkdaşlıq" mövzusunda tədbir
- Təhsil, sosial və digər infrastruktur layihələri ilə yaxından tanışlıq olub - Baku TV
- “Naxçıvanın ölkə iqtisadiyyatında rolunun artacağını gözləyirik” | Mikayıl Cabbarov - Baku TV
- Azərbaycanla BMT arasında 5-ci çərçivə sənədi
