İqtisadiyyat
Pleyeri seçin:
Yeni müəssisənin təsis edilməsi təsdiq olunub
SOCAR-ın Müşahidə Şurasının iclası keçirilib.
İqtisadiyyat naziri, SOCAR-ın Müşahidə Şurasının sədri Mikayıl Cabbarovun sədrliyi ilə keçirilən iclasda şirkətin 2023-cü ilin ilk 9 ayı üzrə fəaliyyət nəticələri ətraflı müzakirə edilib.
Hesabat dövründə neft və qaz yataqlarının işlənməsi üzrə görülən işlər, hasilat göstəriciləri, bərpaolunan enerji mənbələrinin inkişaf etdirilməsi, dekarbonizasiya istiqamətində atılan addımlar barədə məlumat verilib.
Bundan əlavə, 2024-cü ilin “Yaşıl dünya naminə həmrəylik ili” elan edilməsi haqqında ölkə başçısının Sərəncamından irəli gələn tapşırıqlar çərçivəsində “SOCAR Green” MMC şirkətinin təsis olunması təsdiq edilib. Müşahidə Şurasının iclasında “Yeni Əməliyyat Modeli”nin icra statusuna dair təqdimat da edilib.
İclasda həmçinin gündəliyə daxil olan digər məsələlər ətrafında fikir mübadilələri aparılıb, müvafiq tapşırıqlar verilib.
Kopyalandı
Seçilmişlər
