Ziyad Səmədzadə: Sahibkar maraqlarını həmişə üstün tutmalıyıq

“Biz həddən artıq beynəlxalq ümumi tövsiyələrə riayət etməməliyik. Türk dünyası, İslam ölkələri və regional ölkələr ilə əməkdaşlığın genişləndirilməsi bizim həm milli dəyərlərimizi, maraqlarımızı, həm də iqtisadi təhlükəsizliyimizi qoruyur”.

Bunu Milli Məclisin İqtisadi siyasət, sənaye və sahibkarlıq komitəsinin bugünkü iclasında deputat Ziyad Səmədzadə deyib.

“Hesab edirəm ki, biz daxili bazarın qorunması istiqamətində KOB-un həyata keçirdiklərini dəstəkləməklə yanaşı, eyni zamanda regionlarda yeni iş yerlərinin açılması istiqamətində sahibkarlara kömək etməliyik. Onların maraqlarını həmişə üstün tutmalıyıq. Çünki yalnız belə bir şəraitdə Azərbaycan iqtisadiyyatı rəqabətə davamlılığını daha da artıra və dünyanın bir çox ölkələri arasında əhalinin məşğulluğuna və təhsil səviyyəsinə görə ön sıralarda ola bilər”, – deyə deputat vurğulayıb.