32 ildən sonra Laçında avtobus xətti açıldı | Sakinləri sevindirən xəbər

Mayın 7-də Laçın şəhəri - Zabux kəndi və Laçın şəhəri - Qarıkaha kəndi - “Zerti” Aqro-Sənaye Parkı müntəzəm marşrut xətləri istifadəyə verilib.

Laçında 32 ildən sonra yenidən avtobus xəttinin açılması sakinlərin sevincinə səbəb olub.

“Axırıncı dəfə Laçında marşrut xətti 1992-ci ilin may ayında işləmişdi. Bu gün də may ayıdır və 32 ildən sonra yenidən marşrut xətti açıldı. Laçın sərt iqlim şəraitinə malik rayondur. Yağışda, qarda insanlarımız əziyyət şəkirdi, 8-10 kilometr məsafəni piyada qət edirdilər. Şükürlər olsun ki, bu gün marşrut xətti bərpa olundu, əhalimiz çox məmnundur”, – Laçın sakini bildirib.