"33 ildən sonra öz evimizə, obamıza qayıdırıq" | Xocavəndə növbəti köç - Baku TV

İşğaldan azad edilmiş ərazilərə "Böyük Qayıdış" proqramı çərçivəsində növbəti köç karvanı Xocavənd rayonuna çatıb. Xocavəndə qayıdan ailələrə mənzillərinin açarları təqdim olunub.

Ölkənin müxtəlif ərazilərində, əsasən yataqxana, sanatoriya və inzibati binalarda müvəqqəti məskunlaşan sakinlər uzun illərdən sonra öz evlərinə qovuşmağın sevincini yaşayıblar.

Təəssüratlarını bölüşən Xocavənd sakinlərindən biri hisslərini belə ifadə edib:

"Mən buradan məcburi köçkün düşəndə 24 yaşım var idi, yoldaşımla iki nəfər çıxmışdıq. Şükürlər olsun ki, bu gün Xocavəndə üç övladım və yeddi nəvəmlə birgə qayıdıram".

Qeyd edək ki, bu mərhələdə Xocavənd şəhərinə, Qırmızı Bazar qəsəbəsinə və Quzeyxırman kəndinə ümumilikdə 43 ailə (191 nəfər) köçürülüb.