Ana niyə 3 uşağını atıb evdən getdi? | "Bəhanədir, hazırlaşıb, qızılları da aparıb..."

Ağstafa rayonunda 3 uşaq anası olan 35 yaşlı qadın itkin düşüb.

Rayonun Dağkəsəmən kənd sakini Heydərova Nərgiz Pənah qızı yaşadığı evdən çıxaraq bir daha geri qayıtmayıb.

Qadının qayınanası Aidə Heydərova məsələ ilə bağlı Baku TV-yə açıqlama verib.

Onun sözlərinə görə, gəlini öz qızı ilə yola getmədiyini bəhanə edərək evi tərk edib.

“Qızı ilə dalaşmağa başlamışdı. Mən də dedim ki, belə etmə. Sən demə evdən getməyə hazırlaşıbmış, bu məsələ sadəcə bəhanə imiş. Paltarını geyinib getdi. Sonra öyrəndim ki, qızılları da aparıb. Daha sonra polislə qayıtdı. Dedim ki, mənə belə gəlin lazım deyil”.

Qonşusu Dostu İsmayılovanın evində qalan Nərgiz ona deyib ki, qayınanası tərəfindən döyülüb və öz qardaşıgilə gedəcək. Lakin bu günə kimi onu gördüm deyən yoxdur.