ANAMA əməkdaşının yaralanmasına ABŞ-dən reaksiya

“Mina partlayışı nəticəsində Minatəmizləmə Agentliyinin əməkdaşının yaralanması xəbəri bizi kədərləndirdi”.

Bu barədə ABŞ-nin Azərbaycandakı səfirliyinin Şuşada baş verən mina partlayışı ilə bağlı “X” hesabında bildirilib.

Vurğulanıb ki, Birləşmiş Ştatlar Azərbaycanın öz ərazilərinin minalardan təmizlənməsi səylərini dəstəkləyir. Səfirlik eyni zamanda indiyədək baş vermiş mina partlayışları nəticəsində həlak olanların ailələrinə başsağlığı verib.

Qeyd edək ki, aprelin 27-də Şuşa rayonunun Qaybalı kəndi ərazisində mina partlayıb. ANAMA-nın əməkdaşı 1981-ci il təvəllüdlü Quliyev Elçin Aydın oğlu xidməti vəzifəsini yerinə yetirərkən piyada əleyhinə mina partlayışı nəticəsində xəsarətlər alıb.