Bilmirsən, hansı quruma müraciət edəsən ki... | Piyada səkilərini zəbt edən pilləkənlər

Bakının bir çox ərazilərində yaşayış binalarının altında yerləşən iaşə obyektlərinin pilləkənləri piyada səkilərini zəbt edib.

Xüsusilə paytaxtın Yasamal, Əcəmi və Şamaxinka kimi tanınan ərazilərində bu problemə daha çox rast gəlinir.

Sakinlər deyirlər ki, bəzi səkilərdə addım atmağa yer olmadığı üçün avtomobil yoluna çıxmağa məcbur qalırlar.

Vətəndaşlar iddia edirlər ki, həmin ərazilərdə qəzaların tez-tez baş verməsinin səbəblərindən biri də budur.

Obyekt sahibləri isə deyilənlərlə razı deyil. Hətta sakinlərin yalan danışdığını bildirirlər.

Bəs, bu vəziyyətə görə kim məsuliyyət daşıyır?