Bura axşamlar bir başqa gözəldir... | Addım-addım dirçələn Xankəndi - Baku TV

44 günlük Vətən müharibəsini simvolizə edən Zəfər parkı bu gün Xankəndinin ən görkəmli məkanlarından biridir.

Təxminən 9 hektara yaxın ərazini əhatə edən parkda yüzlərlə ağac növü, minlərlə gül və kol bitkisi əkilib.

Parkın giriş hissəsindən Zəfər Tağına qədər uzanan 44 pilləkən isə Vətən müharibəsinin 44 gününü simvolizə edir.

Xankəndinin gözəlliyinə xüsusi rəng qatan Zəfər parkı xüsusilə axşam saatlarında daha füsunkar görüntüsü ilə diqqət çəkir.

Şəhərin mərkəzində salınan Zəfər parkını ziyarət edənlər burada həm istirahət edir, həm də qələbə ruhunu hiss edirlər.

Park ərazisində geniş yaşıllıq zonaları, gəzinti yolları, istirahət guşələri və müxtəlif sosial obyektlər istifadəyə verilib.

Bir sözlə, yenidən qurulan Xankəndi addım-addım dirçəlir. Zəfər parkı isə bu dirçəlişin ən parlaq nümunələrindən biridir.