“Deməli, tanışları var” | IX sinif şagirdi niyə oxuyub-yaza bilmir? - Baku TV

Məktəblərdə il ərzində aparılan qiymətləndirmə ilə qəbul imtahanlarının nəticələri arasında ciddi fərqlər müşahidə olunur.

Statistik göstəricilər göstərir ki, yüksək və orta müvəffəqiyyətə malik bəzi məzunlar imtahanlarda gözlənilən nəticəni əldə edə bilmirlər. Eyni zamanda məktəbdə orta nəticələrlə oxuyan şagirdlər arasında yüksək bal toplayanlara da az rast gəlinmir.

Müzakirələrə səbəb olan digər məqam isə bəzi şagirdlərin uzun illər təhsil almalarına baxmayaraq, elementar oxu və yazı bacarıqlarını mənimsəyə bilməməsidir.

Mütəxəssislər hesab edirlər ki, bu hallar tədris prosesinin və qiymətləndirmə mexanizmlərinin daha dərindən təhlil edilməsini zəruri edir.

Baku TV məsələ ilə bağlı paytaxt sakinlərinin fikirlərini öyrənib.

“Deməli, tanışları var. Başqa nə ola bilər?”, – deyə sakinlərdən biri bildirib.

“Müəllimlərə dərs keçməyə imkan verilmir. Onlar dərs keçmək əvəzinə kağız işləri ilə məşğuldurlar, sənəd doldururlar”, – digər sakin deyib.