Fövqəladə Hallar Nazirliyinin gücləndirilmiş iş rejimində fəaliyyəti davam edir

“Ötən gündən başlayan intensiv yağışlar nəticəsində Bakı, Sumqayıt şəhərləri və Abşeron rayonunun bəzi ərazilərində fərdi yaşayış evlərinin həyətyanı sahələri və küçələr su altında qalıb”.

Bu barədə Fövqəladə Hallar Nazirliyinin (FHN) şöbə müdirinin müavini Ehtiram Xəlilov məlumat verib.

O bildirib ki, daxil olan məlumatlar əsasında Nazirliyin Dövlət Yanğından Mühafizə və Xüsusi Riskli Xilasetmə xidmətlərinin, həmçinin Sumqayıt Regional Mərkəzinin qüvvə və texnikaları dərhal ərazilərə cəlb olunub:

“İndiyədək Nazirliyin qüvvələri tərəfindən köməksiz vəziyyətdə qalmış 42 nəfər təxliyə edilib. Hazırda subasan ərazilərdən suyun çəkilərək kənarlaşdırılması işləri davam etdirilir”.