Həkim geniş yayılmış mifi təkzib etdi

Sağlamlıq üçün ən faydalı yuxu pozasının məhz sol böyür üstə yatmaq olduğuna dair yayılan fikirlər yanlışdır.

Bu barədə rusiyalı neyrofizioloq Fadi Hallal mediaya müsahibəsində bildirib.

Həkim izah edib ki, sol tərəfdə yatmaq yalnız müəyyən hallarda, məsələn, hamiləliyin son dövrlərində və ya mədə möhtəviyyatının qida borusuna geri qayıtması zamanı faydalıdır.

Fadi Hallalın sözlərinə görə, mütləq hər kəs üçün yararlı olan universal yuxu pozası mövcud deyil.

"Ən yaxşı vəziyyət yaxşı istirahət etməyə və ağrısız oyanmağa imkan verən vəziyyətdir", – deyə neyrofizioloq qeyd edib.

O, yuxu pozasını səhərlər insanın özünü necə hiss etdiyinə əsasən fərdi qaydada seçməyin vacibliyini vurğulayıb.

Həkim sonda əlavə edib ki, keyfiyyətli yuxu orqanizmin özünü bərpa etməsi, immunitetin güclənməsi, beyin funksiyalarının qorunması və emosional tarazlığın təmin olunması üçün əvəzolunmazdır.