“İbadət ancaq oruc, namaz deyil” | Orucu necə əvəzləmək olar? | “Ramazan ac qalmaq ayı deyil” - AMİN

“Amin” verilişinin yeni buraxılışında ilahiyyatçı Aslan Həbibov ilə Ramazan ayı barədə müzakirə aparılıb.

Onun sözlərinə görə, Ramazan ac qalmaq ayı deyil:

“Ramazanda tələb olunan, sadəcə, mədəni ac saxlamaq deyil. Bu ayda əsas fəzilət insanın Allah rizası üçün nəfsinə sahib çıxmasıdır. İnsanların azadlıqlarını əllərindən alan ən böyük şey nəfsləridir. Bu mənada deyə bilərik ki, Ramazan əsl azadlıqdır”.

Aslan Həbibov həmçinin ibadət anlayışından bəhs edib:

“İbadət geniş məfhumdur. Bu, sadəcə, namaz qılmaq, oruc tutmaqdan ibarət deyil. İbadət Allaha qulluq etmək deməkdir. Bu anlayışın mənası genişdir. İnsanlara ziyan verən bir şeyi aradan qaldırmaq da ibadət sayılır”.