"Kömək etmirlərsə, bu kəndi köçürsünlər!" - Problemləri tükənməyən sakinlər etiraza qalxdı - Baku TV

Biləsuvar rayonunun Amankənd kəndinin sakinləri uzun illərdir bir sıra problemlərlə üz-üzə qalırlar.

Baku TV-nin qaynar xəttinə müraciət edən sakinlər həm mavi yanacaqdan məhrum olduqlarını, həm də kənd yolunun yararsız vəziyyətdə olduğunu bildiriblər.

“Qayınımın arvadı hamilə idi, qadın yolda öldü”, “Təcili yardım gəlinimi aparmadı ki, yol narahatdır, qorxuram”, – deyə sakinlər qeyd ediblər.

Başqa bir sakin isə kəndə dörd ildir qaz verilmədiyini söyləyərək, vəziyyəti belə izah edib:

“Malın təzəyini yandırırıq. Xəstəmiz, uşağımız var, evdə oturmaq mümkün olmur. Təzəklə soba yanar?! Dəfələrlə şikayət etmişik. Əgər kömək etmirlərsə, bu kəndi köçürsünlər. Biz burada necə yaşayaq?!”.