"Sağ ola-ola əl-ayağını, dilini kəsdilər" | Dəhşətə gətirən vəhşiliklərin yaşandığı ərazi - Baku TV

1918-ci ildə daşnak-bolşevik silahlı dəstələri Qubada da böyük qırğınlar törədib. İnsanları vəhşicəsinə qətlə yetirib, evləri talan edib, tarixi tikililərə ziyan vurub.

Ən böyük qırğınlardan birini isə rayonun Alpan kəndində törədiblər. Burada yerli sakinləri qətlə yetirməklə yanaşı, qəbir daşları gülləbaran edilib, 16-cı əsrə aid Subaba türbəsi yandırılıb.

“Onlar insanları yaşlı, cavan, böyük, kiçik demədən süngüləməklə, şişlə deşik-deşik etməklə öldürüblər. Gənc və yaşlı nəslin nümayəndələri əli silahsız olsalar da, ermənilərin Quba ərazisində törətdiklərinin qarşısını almaq üçün onlara qarşı mübarizə aparıblar”, – deyə Digah kənd sakini Mənsur Hacıyev soyqırımı barədə danışarkən bildirib.