"Şikayət edirik, bizi yola verirlər" | Əhalinin səbri daşıb | "Sayğac fırlanır, amma..." - Baku TV

Baku TV-nin qaynar xəttinə daxil olan şikayət əsasında Hökməli qəsəbəsində yaşayan sakinlərin aylardır su problemindən əziyyət çəkdiyi məlum olub.

Ərazidə yaşayan 20 ailənin sözlərinə görə, artıq üç aydır evlərinə su verilmir.

Sakinlər bildirirlər ki, aidiyyəti qurumlara dəfələrlə müraciət etsələr də, problemin həlli istiqamətində tədbir görülməyib.

Aidiyyəti qurum problemin həlli əvəzinə 20 ailədən yalnız ikisinə bir dəfə iki ton həcmində su verib. Bundan sonra isə vətəndaşların müraciətlərinə cavab verilməyib.

Sakinlərdən biri vəziyyəti belə ifadə edib:

“Üç aydan çoxdur su gəlmir. Ancaq maşınla su alırıq. Gedib şikayət etmişik, bizi yola verirlər. Su istifadə etmirəm, amma sayğac fırlanır”.