Sumqayıtda WUF13 Festivalı çərçivəsində məlumatlandırma sessiyası keçirilib - Baku TV

Ümumdünya Şəhərsalma Forumunun 13-cü sessiyası (WUF13) barədə ölkə ictimaiyyətinin məlumatlandırılması məqsədilə Sumqayıt Dövlət Universitetində (SDU) müəllim və tələbələrin iştirakı ilə WUF13-ə həsr olunmuş məlumatlandırma sessiyası keçirilib.

WUF13 Azərbaycan Əməliyyat Şirkətinin kommunikasiya üzrə meneceri Emin Hüseynzadə jurnalistlərə açıqlamasında bildirib ki, məqsəd forum çərçivəsində keçiriləcək tədbirləri tələbələrə və gənclərə tanıtmaqdır:

“Onların tədbirdə iştirakının vacibliyi, qeydiyyat prosesi və forumda necə iştirak edə biləcəkləri barədə məlumat veririk. Son məlumatlara əsasən, Azərbaycanda keçiriləcək WUF13 tədbirində artıq 170-dən çox ölkədən 30 minə yaxın insan qeydiyyatdan keçib. Tədbirə qədər bu sayın daha da artacağını gözləyirik”.