“Vaxt var idi, taksi də qalxmırdı” | Bakının unikal qəsəbəsi: Sakinlərin gözü ilə Bayıl - Baku TV

Baku TV paytaxtın Bayıl qəsəbəsindən reportaj hazırlayıb.

Reportajda qəsəbə sakinləri Bayılın keçmişi və bu günü ilə bağlı təəssüratlarını bölüşüblər.

Bayıl sakini Rəhim Həsənov bildirib ki, 67 ildir bu qəsəbədə yaşayır:

“İndi burada köhnədən məskunlaşan insanlardan çox azı qalıb. Bayılda keçmişdən indiyədək xeyli dəyişiklik baş verib. Əvvəl yollarımız daha enli idi. Mən Bayıldan başqa yerdə yaşaya bilmərəm, burada da dünyadan köçəcəyəm”.

Digər bir qəsəbə sakini Zakir Məmmədov isə qeyd edib ki, əvvəllər Bayılda çox az adam məskunlaşıb:

“Vaxt var idi ki, bura heç taksi də gəlmirdi. O dövrdə su problemimiz var idi, indi isə bu çətinlik aradan qaldırılıb. 43 ildir ki, Bayılda yaşayıram, bura çox gözəl və səfalı bir yerdir”.