Xatirə abidəsinin yerində görün nə tikildi | Sakinlərin şikayətinə qurumdan cavab

Pirallahı rayonunda 1941-1945-ci illərdə faşizm üzərində qələbə çalan qəhrəmanlarımızın xatirəsinə həsr olunan abidənin yerində anbar tikilib.

Ərazidəki parkın yararsız hala düşməsindən və vaxtilə burada ucaldılan heykəlin sökülməsindən narazı olan sakinlər yaranan vəziyyətdən narahat olduqlarını bildiriblər.

“2013-cü ildə Vasif İmanov bura icra başçısı təyin edildikdən sonra heykəl söküldü, park bərbad hala düşdü”, – sakin deyib.

Məsələ ilə bağlı 2013-cü ildə ərazidə söküntü işləri aparan Pirallahı Rayon İcra Hakimiyyətinin hüquq şöbəsinin müdiri Samir Hüseynov bildirib ki, xatirə abidəsi şəhərin Baş planına uyğun gəlmədiyi, eyni zamanda qəzalı vəziyyətdə olduğu üçün sökülüb.