125 hərbçinin olduğu təyyarə yerə çırpıldı | Faciəvi qəza barədə təcili məlumat - Baku TV

Kolumbiyanın cənubunda, meşəlik ərazidə "Hercules C-130" hərbi təyyarəsinin qəzaya uğraması nəticəsində azı 66 hərbçi həlak olub, 60-a yaxın hərbçinin isə xəsarət aldığı qeyd olunur.

Bu barədə təyyarənin havaya qalxdığı Puerto-Legisamo şəhərinin təhlükəsizlik və inzibati idarəetmə üzrə baş köməkçisi Karlos Klaros "The Wall Street Journal" nəşrinə verdiyi müsahibədə bildirib.

Məlumata görə, həlak olanlar arasında Kolumbiya Hərbi Hava Qüvvələrinin 6, Milli Ordunun 58 və Polisin 2 hərbi qulluqçusu var. Meyitlərin şəxsiyyətinin müəyyənləşdirilməsi davam edir, eyni zamanda dörd hərbçi itkin düşmüş hesab olunur.

Bildirilib ki, göyərtədə olan bəzi hərbçilər təyyarə yerlə toqquşmazdan bir neçə saniyə əvvəl özlərini aşağı atıblar. İlkin məlumatlara görə, hava gəmisində 125 hərbçi olub.

Qəzanın baş vermə səbəbi isə hələlik müəyyən edilməyib.