ABŞ bu silah qarşısında gücsüz qalıb? - Pentaqona xəbərdarlıq edildi

"Pilotsuz uçuş aparatlarının qarşısını almaq üçün əks tədbirlərimiz yoxdur və biz onları hazırlamalıyıq, çünki gələcəkdə müharibə belə olacaq".

Bunu "Fox News" telekanalına müsahibəsində ABŞ Konqresinin Nümayəndələr Palatasının üzvü Maykl Makkol deyib.

O qeyd edib ki, ABŞ Silahlı Qüvvələrinin pilotsuz uçuş aparatlarına qarşı kifayət qədər müdafiə vasitələri yoxdur.

"Səmada getdikcə daha çox pilotsuz uçuş aparatları var, onlar minlərlə, artıq milyonlarladır. Düşünürəm ki, Pentaqon müasir hərbi texnologiyaların inkişafına daha çox vəsait ayırmalı və pulları bir növ "dinozavrlara" çevrilmiş köhnə gəmilərə xərcləməməlidir. Əlbəttə, onlara ehtiyacımız var, lakin biz süni intellekt texnologiyalarına diqqət yetirməliyik", – deyə Maykl Makkol əlavə edib.