Baş katibdən Ermənistanın KTMT-dən çıxması barədə açıqlama

İrəvanın təşkilatın işində iştirakını məhdudlaşdırmaq qərarına baxmayaraq, KTMT Ermənistan qarşısında öhdəliklərini tam şəkildə yerinə yetirməkdə davam edir.

Bunu təşkilatın baş katibi İmanqali Tasmaqambetov deyib.

“Ermənistan həqiqətən də KTMT-nin işində iştirakını məhdudlaşdırıb, lakin əsas qarşılıqlı fəaliyyət mexanizmləri işlək olaraq qalır. Həmçinin təşkilatın gündəliyi üzərində iş davam edir, KTMT-nin Ermənistan qarşısında bütün öhdəlikləri təşkilatın nizamnamə məqsəd və prinsiplərinə tam uyğun olaraq qalır”, – deyə baş katib qeyd edib.

İ.Tasmaqambetov vurğulayıb ki, Ermənistanın seçimi – KTMT-nin tərkibində qalmaq və ya təşkilatdan çıxmaq müstəqil dövlətin suveren qərarı olacaq.