“Bu, Suriyada kürd-ərəb qardaşlığını gücləndirəcək” | Hakan Fidan

Türkiyənin xarici işlər naziri Hakan Fidan YPG-nin ləğv edilməsi ilə bağlı jurnalistlərə açıqlama verib və bildirib ki, bu, Suriyada kürd-ərəb qardaşlığını gücləndirəcək.

Bu barədə "Haber Global" məlumat yayıb.

"Bizim işimiz peşəkar yanaşma sərgiləmək və silahlı birləşmələrin buraxıldığını yoxlamaqdır. İfadə edildiyi kimidirsə, təbii ki, məmnunedici hadisədir", – deyə o bildirib və əlavə edib ki, Suriyanın da milli birlik, suverenlik və ərazi bütövlüyü pozulmamalıdır.

Türkiyənin xarici işlər nazirinin sözlərinə görə, YPG nəinki Suriya, həmçinin Türkiyənin əleyhinə olub.

O qeyd edib ki, yeni prosesdə bütün bu problemlər qarşılıqlı anlaşma, dialoq, sülh yolu ilə həll ediləcək.