Ebola epidemiyası Afrika ölkələrində sürətlə yayılır | Ölənlərin sayı durmadan artır - Baku TV

Konqoda və Uqandada ebola qızdırmasının 263 təsdiqlənmiş yoluxma halı qeydə alınıb. Virusun nadir "Bundibugyo" ştamından 43 nəfər həyatını itirib.

Bunu Afrika Xəstəliklərə Nəzarət və Profilaktika Mərkəzlərinin baş direktoru Jan Kaseya açıqlayıb.

O qeyd edib ki, hazırda ebola virusuna yoluxma şübhəsi ilə bağlı 1100-dən çox hal araşdırılır.

J.Kaseyanın sözlərinə görə, virusun bu ştamına qarşı hazırda nə lisenziyalaşdırılmış peyvənd, nə də spesifik müalicə mövcuddur.

O vurğulayıb ki, fövqəladə hallara cavab üzrə milli sistemlər operativ şəkildə işə salınmalı, pandemiyalara hazırlığın təmin olunmasına yönələn investisiyalar isə daimi xarakter daşımalıdır.

"Beynəlxalq tərəfdaşlar mühüm rol oynayırlar, lakin onların dəstəyi Afrika institutları və Afrika ölkələrinin hökumətləri tərəfindən hazırlanan strategiyalarla uzlaşdıqda daha böyük əhəmiyyət kəsb edir", – deyə o bildirib.

Məlumata görə, bu, Konqo Demokratik Respublikasında qeydə alınan 17-ci ebola epidemiyasıdır və virusun təxminən yarım əsr əvvəl aşkar edilməsindən bəri miqyasına görə üçüncü ən böyük epidemiyadır.

Qeyd edək ki, Ümumdünya Səhiyyə Təşkilatı Konqo və Uqandadakı ebola yayılmasını beynəlxalq əhəmiyyətli ictimai səhiyyə üzrə fövqəladə vəziyyət elan edib.