Ermənistan Müdafiə Nazirliyi məlumat yaydı | Cinayət işi başlanıldı

Ermənistan Müdafiə Nazirliyinin "N" saylı hərbi hissəsinin əsgəri ölüb.

Bu barədə nazirlik məlumat verib.

Bildirilib ki, Sisyandakı hərbi hissədə həqiqi hərbi xidmət keçən David Nersesyanın vəziyyəti iyunun 25-i səhər saatlarında qəfil pisləşib.

Hərbçi dərhal hospitala yerləşdirilsə də, onun həyatını xilas etmək mümkün olmayıb. Nazirlik əsgərin qeyri-döyüş şəraitində öldüyünü bildirib. Hadisə ilə bağlı artıq cinayət işi başlanılıb.

Qeyd edək ki, iyunun 14-ü də Ermənistan Ordusunun daha bir hərbçisi naməlum şəraitdə aldığı güllə yarasından ölüb. Hərbçi Armen Qasparyanın cəsədi ölkənin hərbi hissələrinin birində aşkar edilib.