Ermənistanın müdafiə naziri Fransaya getdi

Ermənistanın müdafiə naziri Suren Papikyan Fransaya səfər edib.

Bu barədə ölkənin Müdafiə Nazirliyinin mətbuat xidməti məlumat yayıb.

Xəbərə görə, nazirlə yanaşı, qurumun nümayəndə heyəti də Parisə yola düşüb. Səfərin gündəliyi və planlaşdırılan görüşlər ictimaiyyətə açıqlanmayıb.

Xatırladaq ki, S.Papikyan fevral ayında da Fransaya işgüzar səfər edib. 23 fevral tarixində Parislə hərbi-texniki əməkdaşlığa dair sənəd imzalanıb. Buna bənzər razılaşmalar 2023-cü ilin oktyabrında Ermənistanın paytaxtı İrəvanda da əldə olunub.