İsrail Ordusundan təcili məlumat | ”Hizbullah” lideri qətlə yetirildi, indi isə...

İsrailin əvvəlcə HƏMAS, sonra isə “Hizbullah” liderinin zərərsizləsdirməsinə İrandan cavab gəlməzsə, bu, Yaxın Şərqdə yeni reallıqlar yaradacaq.

Bu barədə hərbi ekspert Ədalət Verdiyev qeyd edib.

“SEPAH tərəfindən idarə olunan proksi-qüvvələrin İranla əlaqələri korlanacaq. İranın bölgədə nüfuzu daha da zəifləyəcək. İsrail isə İrana və Livana qarşı əlavə təsir imkanları əldə edəcək”, – o bildirib.

Qeyd edək ki, “Hizbullah” lideri Həsən Nəsrullahın Beyruta endirilən zərbələr nəticəsində öldüyünü İsrail Ordusu təsdiqləyib.