Kollektiv hücum, yoxsa təhlükəsizlik tədbiri?

Böyük Britaniya Hərbi Dəniz Qüvvələrinin esminesi Kiprdəki “Akrotiri” hərbi bazasının təhlükəsizliyini təmin etmək üçün Şərqi Aralıq dənizinə gəlib.

Bu barədə Birləşmiş Krallığın müdafiə naziri Con Hili məlumat verib.

“Böyük Britaniya İranın hücumlarının qarşısını almaq üçün yaxınmənzilli zenit-raket komplekslərini təcili qaydada Yaxın Şərqdəki tərəfdaşlarına göndərəcək”.

Bunu isə Britaniya hökumətinin başçısı Kir Starmer bildirib.

“Biz Bəhreyn ərazisində uzaqmənzilli zenit-raket sistemlərinin sürətləndirilmiş qaydada yerləşdirilməsini həyata keçiririk. Analoji tədbirlər Küveyt və Səudiyyə Ərəbistanı ilə bağlı da görülür”, – o deyib.

Starmer həmçinin qeyd edib ki, İranın Hind okeanındakı Dieqo Qarsiya adasında yerləşən Britaniya-ABŞ birgə hərbi bazasına doğru atdığı raketlər hədəfinə çatmayıb.