Lukaşenko Trampın xüsusi nümayəndəsi ilə görüşüb

Belarus Prezidenti Aleksandr Lukaşenko ABŞ Prezidenti Donald Trampın komandasının nümayəndələrini, ABŞ-nin Belarus üzrə xüsusi elçisi Con Kolu qəbul edib.

Bu barədə Belarus Prezidentinin Ofisi məlumat yayıb.

Prezident Lukaşenko Kolu ABŞ-nin Belarus üzrə xüsusi elçisi təyin olunması münasibətilə təbrik edib.

“Artıq sən Belarus üzrə ən yüksəkvəzifəli şəxssən. Trampa söylə ki, bu barədə nəsə etməliyik və biz bunu edəcəyik. Bizim bir çox sualımız var. Dünya çox sürətlə dəyişir, səninlə müzakirə etməli olduğumuz yeni problemlər ortaya çıxır və bəlkə də bəzi məsələləri həll edəcəyik”, – deyə Aleksandr Lukaşenko qeyd edib.

O, ABŞ Prezidenti Donald Trampın hərəkətlərini müsbət qiymətləndirib.

Görüşün qalan hissəsi qapalı qapılar arxasında keçirilib.