Müxbirin sualı Zaxarovanı özündən çıxardı

“Siz heç başa düşürsünüz ki, bu necə təhqiramiz sualdır? Mən bunu başa düşmək istəyirəm. Ümumiyyətlə, sizin bizim qurumun mövqeyindən xəbəriniz yoxdur, ya mənim vətəndaşlığımdan? Siz necə mənə belə bir sual verə bilərsiniz?”.

Bunu Rusiya Xarici İşlər Nazirliyinin rəsmi nümayəndəsi Mariya Zaxarova jurnalistin 9 May Qələbə gününün qeyd edilməsi ilə bağlı sualına cavabında deyib.

“Bu bayram mənim üçün müqəddəsdir. Mən bütün peşə həyatım boyu həmin hadisələrin tarixi yaddaşını müdafiə etmişəm. Siz hansı haqla mənə belə bir sual verə bilirsiniz?! Sizin bu sualınızı savadsızlıq və ya bizə qarşı olan hörmətsizlik kimi qiymətləndirirəm”, – o qeyd edib.