Pakistan Silahlı Qüvvələrinin komandanı Tehranda Pezeşkianla görüşdü

Aprelin 16-da İran Prezidenti Məsud Pezeşkian Pakistan Silahlı Qüvvələrinin komandanı Asim Munirlə görüşüb.

Pezeşkian görüş zamanı bildirib ki, Tehran bölgədə davamlı sülh və qardaşlıq münasibətləri niyyətindədir. O, Pakistanın vasitəçilik səylərini və atəşkəsin yaradılmasındakı rolunu yüksək qiymətləndirib.

Pezeşkian ABŞ və İsraili İrana qarşı “təcavüzdə” ittiham edərək, Əli Xameneinin öldürülməsi, məktəb və xəstəxanaların dağıdılması, mülki insanların həlak olması ilə bağlı sərt açıqlamalar verib.

Prezident Pezeşkianın sözlərinə görə, ABŞ bu münaqişədə qalib gəlməyəcək, lakin İsrail regionda öz maraqlarını həyata keçirməyə çalışır.

Pakistan Ordusunun komandanı Asim Munir isə Pezeşkianla görüşdən məmnunluğunu bildirərək, müharibədə həlak olanlarla bağlı İran hakimiyyətinə başsağlığı verib və qeyd edib ki, müharibə bitsə belə, region əvvəlki vəziyyətinə qayıtmayacaq.