Peter Madyar Baş nazir Administrasiyasını Budapeştdə başqa ünvana köçürəcəyini açıqlayıb

Macarıstanın yeni Baş naziri Peter Madyar and içdikdən sonra Baş nazir Administrasiyasını Budapeştdə başqa ünvana köçürəcəyini açıqlayıb.

Bu barədə o, sosial mediada paylaşım edib.

“Tisa” hökumətinin rəhbərliyi altında Baş nazir Administrasiyası artıq Viktor Orbanın özü üçün dizayn etdirdiyi Karmelit Sarayında yerləşməyəcək, parlamentin yaxınlığındakı nazirlik binalarından birinə köçəcək”, – Madyar yazıb.

Barokko üslubunda tikilmiş Karmelit Sarayı Dunay çayının qərb sahilində, Buda şəhərində yerləşir, əvvəlcə katolik monastırı olub, sonradan teatra çevrilib. 2019-cu ildə Macarıstan Baş naziri Viktor Orbanın administrasiyası burada yerləşib.

Məlumata görə, sarayın yenidən qurulmasına 50 milyon avrodan çox vəsait xərclənib. “Politico”ya görə, Peter Madyarın bu addımı özünü sələfindən uzaqlaşdırmaq üçün daha bir cəhddir.

“Tisa” Partiyası aprelin 12-də keçirilən parlament seçkilərində inamlı qələbə qazanıb. Parlamentin mayın əvvəlində Peter Madyarı Baş nazir vəzifəsinə təsdiqləməsi gözlənilir.