Pezeşkian hakimiyyət orqanlarını ölkəni səhv idarə etməkdə ittiham etdi

İran Prezidenti Məsud Pezeşkian hakimiyyət orqanlarının ölkəni idarə etməkdə səhv etdiklərini qəbul etməli olduğunu bildirib.

O, ictimai şikayətləri görməzdən gəlməyin cəmiyyəti yalnız qəzəbə, zorakılığa və yadlaşmaya sövq edəcəyi barədə xəbərdarlıq edib.

"Biz qəbul etməliyik ki, işləri idarə etməkdə səhvlərə yol vermişik. Əgər öz səhvlərimizin fərqinə varmasaq və onları düzəltməyə çalışmasaq, yalnız başqalarını günahlandırsaq, heç bir şeyə nail ola bilməyəcəyik. Dövlət orqanları yoxsul təbəqənin tələblərinə və problemlərinə laqeyd qalsa, ictimai narazılıq artacaq.

Bütün qurumlar və idarəetmə orqanları həssas qrupların tələblərinə və problemlərinə məhəl qoymadıqda, cəmiyyətin zorakılığa, laqeydliyə, ölkədən və dövlətdən uzaqlaşmağa doğru irəliləməməsini gözləyə bilmərik", – deyə M.Pezeşkian bildirib.