Qazaxıstan-Türkiyə münasibətlərinin inkişafına təkan verəcək hadisə

Qazaxıstan və Türkiyə “Əbədi dostluq və genişləndirilmiş strateji tərəfdaşlıq haqqında” bəyannamə qəbul edəcək.

Bu barədə Qazaxıstan-Türkiyə arasında Yüksək Səviyyəli Strateji Əməkdaşlıq Şurasının 6-cı iclasında Qazaxıstan Prezidenti Kasım-Jomart Tokayev bildirib.

“Bu gün biz “Əbədi dostluq və genişləndirilmiş strateji tərəfdaşlıq” bəyannaməsini qəbul edirik. Bu mühüm sənəd Qazaxıstan-Türkiyə münasibətlərinin inkişafına yeni təkan verəcək. Hər iki ölkənin bu məsələdə eyni niyyəti və arzuları var. Buna görə də böyük potensiala və imkanlara malik olduğumuzu söyləmək üçün tam əsas var”, – Kasım-Jomart Tokayev qeyd edib.

Astanada keçirilən şuranın iclasında Türkiyə Prezidenti Rəcəb Tayyib Ərdoğan da iştirak edir.