"2-3 həftəlik bombardman...” | Tramp yeni əməliyyatların anonsunu verdi? - Baku TV

"İrana qarşı hərbi əməliyyatların davam etdirilməsi Hörmüz boğazının gəmiçilik üçün açılmasına imkan verməzdi".

Bunu ABŞ Prezidenti Donald Tramp bildirib.

"Sərt addım yalnız ora daha iki-üç həftə girib bombardmanları davam etdirmək olardı. Amma bu bizə nə verəcəkdi? Hörmüz boğazı açılmayacaqdı", – deyə ABŞ Prezidenti əlavə edib.

Bundan başqa, Tramp Kubada Venesuela ssenarisi üzrə əməliyyat keçirilməsi ehtimalını istisna etməyib. Jurnalistin Kubada belə bir əməliyyatın mümkünlüyü ilə bağlı sualına cavab olaraq Tramp "mümkündür" deyə cavab verib.

ABŞ lideri qeyd edib ki, Kuba və Venesuela İranla müqayisədə ABŞ ərazisinə daha yaxındır. O həmçinin dövlət katibi Marko Rubionun Kuba siyasətinin formalaşdırılmasında fəal iştirak etdiyini vurğulayıb.