"Rusların qulu" dedi, ölkə ayağa qalxdı | Rusiyaya bu qalmaqala görə sərt reaksiya verildi

Özbəkistanın Xarici İşlər Nazirliyi Rusiya Xarici İşlər Nazirliyinə rəsmi nota ünvanlayıb.

Buna səbəb bir nəfərin Rusiyada işləyən özbəkistanlı taksi sürücüsünü təhqir etməsidir.

Özbəkistan həmin şəxsin kimliyinin müəyyənləşdirilməsini və qanunda nəzərdə tutulan tədbirlərin görülməsini tələb edib.

Bu ölkənin Xarici İşlər Nazirliyinin sözçüsü Axror Burxanov bildirib ki, sosial şəbəkələr və kütləvi inoformasiya vasitələrində yayılan məlumat diqqətdə saxlanılır. Belə insidentlər baş verən ölkələrin müvafiq qurumları ilə əməkdaşlıq aparılır. Əsas diqqət avqustda yayılan və səs-küy doğuran videoya yönəldilib. Çünki harada olmaqlarından asılı olmayaraq Özbəkistan vətəndaşları öz dövlətinin himayəsindədir.