"Türkiyəni hədəf alan raketlərə qarşı..." | Ərdoğan Trampın mövqeyini təqdir etdi - Baku TV

“Ukrayna müharibəsində cənab Donald Trampın sülhə dair baxışını bölüşürük”.

Bunu Türkiyə Prezidenti Rəcəb Tayyib Ərdoğan Ankarada keçirilən NATO Dövlət və Hökumət Başçıları Zirvəsinin açılış mərasimində deyib.

Ərdoğan Ukraynaya dəstəyin davam etdiriləcəyini bildirib:

“Ukraynanın prioritet ehtiyac siyahıları təşəbbüsünə dəstəyimi ifadə edirəm. Ukraynaya milli inventarımızdan göstərdiyimiz hərbi dəstəyə əlavə olaraq, PURL mexanizmi çərçivəsində də töhfəmizi davam etdirəcəyik. Ukraynanı dəstəkləməklə yanaşı, Rusiyanı da sülhə təşviq edəcək şəkildə kommunikasiya kanallarımızdan istifadə edirik.

İran böhranının həll prosesinə daxil edilməsinə qarşı sabotaj cəhdlərinə baxmayaraq, dostum cənab Trampın nümayiş etdirdiyi qətiyyətli mövqeyi təqdirlə qarşılayıram. Diplomatik səylərimizlə yanaşı, Hörmüz boğazının minalardan təmizlənməsi üçün lazımi töhfəni verməyə hazırıq”.