Выбрать плеер:
Rusiya üçün ağır gecə | Ölənlərlə bağlı açıqlama verildi
İyunun 28-dən 29-na keçən gecə Ukraynaya məxsus pilotsuz uçuş aparatının Kursk vilayətindəki yaşayış binasına hücumu nəticəsində 5 nəfər ölüb.
Bu barədə vilayətin qubernatoru Aleksey Smirnov “Telegram” kanalında yazıb.
“Bu gecə Ukraynaya məxsus kvadrokopter Rılsk rayonunun Qorodişe kəndindəki yaşayış binasına hücum edib. Böyük kədər hissi ilə deyirəm ki, nəticədə ikisi azyaşlı olmaqla, 5 nəfər ölüb. İki nəfər Rılsk Rayon Xəstəxanasına aparılıb və orada onlara tibbi yardım göstərilib. Həlak olanların ailəsinə və yaxınlarına dərin hüznlə başsağlığı verirəm”, – deyə qubernator bildirib.
Qeyd edək ki, Ukrayna Silahlı Qüvvələri gecə ərzində Rusiyanın Belqorod vilayətini və kəndlərini də dronlarla atəşə tutub.
Скопировано
![icon](/images/loading.png)