Xalq debatdan sonra kimi dəstəkləyir? - Bayden, Tramp, yoxsa…?
ABŞ-nin “CNN” telekalında ölkə prezidenti Cozef Baydenlə sabiq lider Donald Tramp arasında ilk debat baş tutduqdan sonra hər 2 namizədin də fəaliyyəti insanlarda sual doğurub.
81 yaşlı Prezident C.Baydenin uğursuz çıxışı və tez-tez nitqini dayandırması sosial şəbəkələrdə ciddi tənqid olunub.
Rəqibini üstələyən 78 yaşlı D.Trampın 90 dəqiqəlik qarşılaşma zamanı 2020-ci il seçkisində səsləndirdiyi fikirləri yenidən ortaya atması da diqqətdən yayınmayıb.
2 namizəd arasındakı debatdan sonra ölkədə keçirilən sorğuya əsasən ABŞ vətəndaşlarının 72%-i hazırkı prezidentin yenidən seçilmək üçün uyğun olmadığını düşünüb. Hətta seçicilərin 46%-i onun geri çəkilməsinin doğru qərar olacağına inanır.
Eyni sorğuda Respublikaçı namizəd Donald Tramp üçün yarı-yarıya səs verilib. Onun prezident olmaq üçün lazımi psixi və koqnitiv sağlamlığının olub-olmaması ilə bağlı suala 50% bəli, 49% isə yox cavabı verib.
![icon](/images/loading.png)