Rusiyaya şiddətli zərbə | Ölən və yaralananlar var

Ukrayna Silahlı Qüvvələri Rusiyanın Belqorod vilayətini atəşə tutub.

Şebekino dairəsinə edilən hücumlar nəticəsində iki nəfər həlak olub, üç nəfər yaralanıb.

Bu barədə vilayət rəhbəri Vyaçeslav Qladkov “Telegram” kanalında məlumat yayıb. Hadisənin detalları və zərərin miqyası ilə bağlı əlavə məlumat açıqlanmayıb.

Bu arada, Rusiya müharibənin 1458-ci günü üçün Ukrayna Ordusunun itkiləri haqda məlumatı yeniləyib. Müdafiə Nazirliyinin rəsmi nümayəndəsi İqor Konaşenkovun sözlərinə görə, indiyə qədər qarşı tərəfin 670 təyyarəsi, 283 helikopteri, 115 765 PUA-sı, 650 zenit-raket kompleksi, 27 776 tank və digər zirehli texnikası sıradan çıxarılıb. Bundan əlavə, Ukraynanın 1669 reaktiv yaylım atəş sistemi, 33 381 artilleriya və minaatanı, 54 816 xüsusi hərbi avtomobil texnikası məhv edilib.