Tokionun gələcəyi haqqında dəhşətli proqnoz

Növbəti bir neçə onillik ərzində Tokio və ətraf ərazilərdə baş verəcək güclü zəlzələ 18 mindən çox insanın ölümünə və 83 trilyon yen (535 milyard dollar) iqtisadi itkiyə səbəb ola bilər.

Bu rəqəmlər yeni açıqlanan hökumət hesabatında yer alıb. Bu barədə "Kyodo" məlumat yayıb.

Bildirilir ki, təbii fəlakət zamanı təxminən 400 000 bina dağıdıla, 8,4 milyon insan isə köməksiz qala bilər. Proqnoz şəhər ərazisində baş verən 7,3 bal gücündə zəlzələyə əsaslanır. Hökumət binaların zəlzələlərə davamlılığını artırmaqla bu itkiləri azaltmağa çalışır.

Qeyd edək ki, son məlumatlara görə, Tokionun əhalisinin 33 milyon ətrafında olduğu bildirilir. Şəhərdə kişilər və qadınlar təxminən bərabər saydadır, əhalinin artması isə şəhərə gələn tələbələr və işçilərlə bağlıdır.