Tramp Avropanın gələcəyini sual altına alıb

ABŞ Prezidenti Donald Tramp Avropada davam edən etiraz aksiyaları və iğtişaşlar fonunda Fransa və İtaliyanın gələcəyi ilə bağlı bədbin proqnoz səsləndirib.

Tramp Avropada vəziyyətin getdikcə pisləşdiyini iddia edərək bəzi ölkələrin mövcud şəraitdə ayaqda qala bilməyəcəyini bildirib.

O, ABŞ-nin bu ölkələrdən fərqli olaraq inkişaf etdiyini və mövcud vəziyyətin belə davam etməsini istədiklərini də əlavə edib.

Məlumata görə, son aylarda Avropanın bir sıra şəhərlərində etiraz aksiyaları və iğtişaşlar qeydə alınıb. İsveçrənin Sürix şəhərində radikal solçu fəalların yürüşü polislə toqquşmalara çevrilib.

Niderlandın Haaqa şəhərində isə gənclərin aksiyası zamanı 34 nəfər saxlanılıb. Fransada etirazçılar Prezident Emmanuel Makronun müqəvvasını yandırmağa hazırlaşıblar.

İtaliyada keçirilən aksiyaların əsas səbəbləri arasında əhalinin ağır iqtisadi vəziyyəti, iri şəhərlərdə mənzil qiymətlərinin bahalığı və hərbi xərclərin artması göstərilir.

Ekspertlər Avropa İttifaqı ölkələrində etiraz dalğasının payız və qış aylarında da davam edə biləcəyini proqnozlaşdırıblar.