Üç hava limanı vuruldu | İranın hərbi obyektlərinə və texnikalarına hücum - Baku TV

İsrail Müdafiə Ordusu İranın üç hava limanına – Bəhram, Mehrabad və Azmayeşə zərbələr endirib.

Ordunun mətbuat xidmətinin məlumatına görə, nəticədə hərbi obyektlər və aviasiya texnikası vurulub.

Hücumlar İsrail Hərbi Hava Qüvvələrinin onlarla qırıcısı ilə həyata keçirilib. Qeyd olunub ki, zərbələr kəşfiyyat məlumatları əsasında endirilib və bunun məntiqi nəticəsi olaraq təyyarə və helikopterlər də daxil olmaqla, onlarla hava hədəfi, həmçinin hərbi infrastruktur bombalanıb. Ordu həmçinin İranın Buşehrdə yerləşən hərbi bazasını da hədəf alıb.

Bu arada, Səudiyyə Ərəbistanı İranın mümkün raket və ya dron hücumları səbəbindən Ər-Riyadın əsas maliyyə rayonunu boşaldıb. Məlumata görə, rayondakı şirkətlərə işçilərini ərazidən köçürmək tapşırılıb.